طفلك عنده برد ؟؟ ، ازاي تحميه من انه يتحول لالتهاب رئوي !!
اولا اعزلي اللي عنده برد وقد قتلنا هذه النقطه بحثا وقولنا ازاي لو انت عندك برد تحمي طفلك
ثانيا وده مهم جدا لازم تعرفي ان الميكروب ما بيدخلش علي الرئه علي طول لان الرئه مش مفتوحه لأي ميكروب صعب عايز يدخلها
الميكروب يدخل الأنف يستقر ويأكل ويشرب ويجوز ويخلف وبعدين يهاجم الشعب الهوائيه وبعدين يقتحم الرئه
في المرحلة دي دورك مهم جدا جدا
انك تنضفي انف الطفل اول بأول وتشيلي الميكروب من الانف وتغلسي عليهم وكل شوية ترشيهم بمحلول الملح وكمان تشيلي المخاط اللي بيتحاموا فيه
وكمان تعزلي الطفل عن اللي عداه عشان مش بكحه او نفس أو عطسه في وش الطفل كل اللي نضفتيه يرجع ذي الاول
السوايل الدافيه والرضاعه الطبيعه و فيتامين سي يقوي مناعه الاغشيه المخاطيه في الأنف والحلق عشان تقاوم الميكروبات الرخمه دي
اول ما الطفل يكح لازم تكشفي لانه ده علامة بداية تأثر الشعب الهوائيه
وللاسف المده اللي ممكن يوصل فيها الدور لالتهاب رئوي في الاطفال اقل من ٦ شهور ممكن تكون يوم أو اتنين فلازم تلحقي بسرعة
الاستشارة مش بعد اسبوع الاستشارة ممكن تكون تاني يوم
لو الكحه تتداخل مع نوم الطفل
أو الشهيه والرضاعه قلت
أو حاسة ان الطفل بينهج
دورك مهم اوي
دكتور / حلمي جمال
دكتور اطفال سيدي بشر محمد نجيب الاسكندرية
أخصائي طب الأطفال وحديثي الولادة
١٣ خلف ٤٠ شارع جمال عبد الناصر بعد ميدان محمد نجيب - سيدي بشر بحري
ت : 01274988298
تعليقات
إرسال تعليق