حساسيه الالبان امتي أشك أن طفلي عنده حساسية الالبان ؟ الاول تعالوا نعرف يعني اي حساسيه الألبان وايه سببها. حساسية يعني مناعة الجسم بتقاوم و تطلع اجسام مضادة و تروح تهاجم اماكن معينه في الجسم لما تتعرض لمسبب الحساسية ( هنا المسبب هو بروتين اللبن ) في نوع تاني من الحساسية لسكر اللبن ( سكر اللاكتوز) وهنا انزيم اللاكتيز المسؤول عن تكسير السكر دا ناقص في الأمعاء عشان كده بيظهر الأعراض دي علي الطفل ١. اسهال و انتفاخ شديد ٢. مخاط في البراز ٣. ترجيع مستمر ٤. طفح جلدي و التهابات ٥_ عدم زياده في وزن الطفل ٦. دم في البراز ( و دي اهم نقطة و اللي موجودة عند اغلب الاطفال الرضع المصابين بحساسية الالبان ) طيب هل مفروض اوقف الرضاعة الطبيعية ؟ لا طبعا الرضاعة الطبيعية مهمة جدا للطفل و لكن الدكتور المعالج هيقترح عليكي توقفي انتي اكل جميع منتجات الألبان لفترة . مع تحيات د. حلمي جمال حلمي اخصائي الاطفال و حديثى الولادة لحجز فون 01274988298 العنوان ١٣ خلف ٤٠ جمال عبد الناصر سيدي بشر بحري (شارع البان حجازي ) لو عندك اي استفسار عن صحه طفلك ممكن تسيبيه في الكومنتات والدكتور هيجاوبك
يا دكتور إبني جاله جــــــفاف *الجفاف هو فقد الطفل لكمية كبيرة من السوائل أكبر من اللي بتدخل جسمه و دا بيعمل اختلال في توازن الاملاح في جسمه و ظهور علامات الجفاف طيب إيه أشهر أسباب الجفاف عند الأطفـال الإسهال و ده ممكن يحصل في حالات كتير أشهرها النزلات المعوية في الأطفال و حالات حساسية الألبان. الترجيع المتكرر سواء مع النزلات المعوية أو ارتجاع المرئ أو تسمم الأكل أو حساسية الطعام. الحمي، السخونيه بتزود فقدان السوائل عن طريق العرق. عدم تناول السوائل بشكل كافي، الاطفال الرضع عرضه للمشكله دي نتيجه عدم قدرتهم علي التعبير عن العطش. هقولك علي شوية أعراض تعرفي منها إن طفلك بيعاني من الجفاف ومحتاج تستشيري دكتور ضروري العطش الشديد و جفاف الفم و اللسان. قله كميه البول و غمقان في لونه. قله الدموع و جفاف البشرة. الهمدان و النوم لمدد طويلة. لو لاحظتي علي طفلك أي عرض من الأعراض دي ، تعالي عشان نطمن علي صحته عنوان العيادة ١٣ خلف ٤٠ جمال عبد الناصر سيدي بشر بحري (شارع البان حجازي) 01274988298 لو عندك اي استفسار عن صحة طفلك سيبلنا كومنت والدكتور هيجاوبك